ՀՀԿ փոխնախագահ Արմեն Աշոտյանը Հայոց ցեղասպանության 110-րդ տարելիցն անվանեց «ամոթի Ապրիլի 24»։ Այս մասին Աշոտյանն ասաց իր գործով դատական նիստից հետո` մեկնաբանելով ՀՀ վարչապետ Նիկոլ Փաշինյանի ուղերձը` նվիրված Հայոց ցեղասպանությանը։

ԱՄՆ նախկին փոխնախագահ և Դեմոկրատական ​​կուսակցության անդամ Քամալա Հարիսը ուղերձ է հղել Հայոց ցեղասպանության 110-րդ տարելիցի կապակցությամբ։ «Այսօր մենք հարգանքի տուրք ենք մատուցում 1,5 միլիոն մարդկանց հիշատակին, ովքեր սպանվել, տեղահանվել և մահվան ճանապարհներով են ուղարկվել Հայոց ցեղասպանության ժամանակ»։

Եվրասիական միության երկրներում տնտեսական աճի տեմպերը 2024 թվականին կազմել են 4,4 %՝ գերազանցելով համաշխարհային միջինը։ Այս մասին հայտարարել է Եվրասիական տնտեսական հանձնաժողովի (ԵԱՏՄ գործադիր մարմին) ինտեգրման և մակրոտնտեսության հարցերով նախարար Էլդար Ալիշերովը՝ ԵՏՀ մակրոտնտեսական քաղաքականության հարցերով խորհրդատվական կոմիտեում ներկայացնելով միության երկրների սոցիալ-տնտեսական զարգացման արդյունքների և հեռանկարների մասին 2024 թվականի զեկույցը։

Անկարայում քաղաքական փոթորիկ է հասունանում, երբ Ղազախստանը, Թուրքմենստանը և Ուզբեկստանը ԵՄ-Կենտրոնական Ասիա գագաթնաժողովում ստորագրեցին հռչակագիր, որով իրենց հավատարմությունn են արտահայտում ՄԱԿ-ի Անվտանգության խորհրդի` Հյուսիսային Կիպրոսի Թուրքական Հանրապետության ստեղծման մասին հռչակագիրը դատապարտող բանաձևերին։

Ապրիլի 25-ի առավոտյան Մոսկվայի մարզի Բալաշիխա քաղաքի «Օդանավորդների» միկրոշրջանում բնակելի շենքի կողքին ավտոմեքենա է պայթել։ Պայթյունի հետևանքով զոհվել է Ռուսաստանի զինված ուժերի գլխավոր շտաբի գլխավոր օպերատիվ վարչության պետի տեղակալ, գեներալ-լեյտենանտ Յարոսլավ Մոսկալիկը, հաղորդել են Mash, Baza և Shot լրատվական գործակալությունները։ Baza-ի տվյալներով՝ Նեստերովի պողոտայի 2-րդ տան մոտ կայանված Volkswagen Golf մակնիշի ավտոմեքենան պայթել է այն պահին, երբ գեներալն է անցել ավտոմեքենայի կողքով։ Բարձրաստիճան զինվորականը շպրտվել է մի քանի մետր հեռավորության վրա։

2024 թվականին 7.6%ով աճել են դիտավորությամբ առողջությանը վնաս պատճառելու, 89.5%-ով մարդկանց թրաֆիքինգի հանցագործությունները, 11.9% սեռական անձեռնմխելիության դեմ ուղղված հանցագործությունները: Այս մասին, այսօր՝ ապրիլի 25-ին, ԱԺ պետաիրավական հարցերի հանձնաժողովի նիստում հայտարարեց ՀՀ գլխավոր դատախազ Աննա Վարդապետյանը։

Արցախի նախագահ Սամվել Շահրամանյանը լիովին աջակցում է Ազատության հրապարակում բողոքի ակցիա իրականացնող արցախցիներին։ Այս մասին նա այսօր ասաց «Արցախցիների իրավունքների պաշտպանության խորհուրդի» անդամների հետ հանդիպման ժամանակ։

Լոս Անջելեսի քաղաքապետ Կարեն Բասսը Հայոց ցեղասպանության 110-րդ տարելիցի կապակցությամբ X-ում գրառում է արել:

ԱՄՆ պետքարտուղար Մարկո Ռուբիոն X-ի իր էջում հիշատակել է Հայոց ցեղասպանության 110-րդ տարելիցը: