Նոր հասարակության ինստիտուտի տնօրեն, քաղաքագետ Վասիլի Կոլտաշովը Alpha News-ի հետ զրույցում մեկնաբանել է Ռուսաստանի փոխվարչապետ Ալեքսեյ Օվերչուկի հայտարարությունն այն մասին, որ Ռուսաստանի և Հայաստանի առևտուրը զգալիորեն կրճատվել է: Փորձագետի կարծիքով՝ Ռուսաստանն ու Հայաստանը մտել են հարաբերությունների լուրջ սառեցման փուլ։
«Ռուսաստանի և Հայաստանի առևտուրը կրճատվում է և, ամենայն հավանականությամբ, մինչև տարեվերջ կկրճատվի երկու անգամ, իսկ հետո կարող է ևս երկու անգամ նվազել, այսինքն՝ մենք մտել ենք հարաբերությունների լրջագույն սառեցման շրջան, և հարաբերությունների այդ սառեցումն արտահայտվել է տնտեսական ցուցանիշներով։ Ռուսաստանի կողմից Հայաստանի տնտեսությանն այլևս ոչ մի սնուցում չի լինի։
Ինչ է անելու Փաշինյանն այդ դեպքում։ Երևի կասի, որ Ռուսաստանն է մեղավոր, որ ինքն իրեն ագրեսիվ է պահում։ Բայց տնտեսության տեսանկյունից ամեն ինչ պարզ է, գալիս է Ռուսաստանի և Հայաստանի միջև տնտեսական կապի խզման պահը, դրանք շատ աննշան կդառնան, Հայաստանը պետք է շարունակի գոյատևել առևտրային հարաբերությունների ռեժիմում նրանց հետ, ում իր ղեկավարությունն ընտրել է ժողովրդի համար, այսինքն՝ Թուրքիայի և Ադրբեջանի հետ», — ասել է Կոլտաշովը։
Փորձագետի խոսքով՝ Մոսկվան հասկացել է, որ Հայաստանն այժմ գտնվում է Ադրբեջանի հետ դաշինքի մեջ, որն ուղղված է Ռուսաստանի դեմ:
«Ընդհանուր առմամբ պարզ է, որ Հայաստանի համար շատ բարդ ժամանակաշրջան է սկսվում։ Դա չի նշանակում, որ իրավիճակը միանգամից կվատթարանա, պարզապես այն պատճառով, որ Արևմուտքը կարող է փող տալ, աջակցել ազգային արժույթի փոխարժեքին։ Ամեն դեպքում, ռուսական շուկայի փակումն, իհարկե, աղետ է, նայած կարճաժամկետ հեռանկարում դա դժվար կլինի հասկանալ։ Մոսկվան հասկացել է, որ Հայաստանն այժմ դաշինքի մեջ է Ադրբեջանի հետ՝ ընդդեմ Ռուսաստանի։ Եվ հայկական տնտեսությունը սնուցելու ոչ մի իմաստ չկա», — եզրափակել է Կոլտաշովը։
