Արցախի նախկին նախագահները ձերբակալվել են Ստեփանակերտում ադրբեջանցիների կողմից։ Իրենց ոչ ոք չի հանձնել, իրենք իրենց ոտքով գնացել են ու ձերբակալվել այնպես, ինչպես Դավիթ Բաբայանը։ Այս մասին Alpha News-ի ուղիղ եթերում հայտարարել է Արցախի ԱԺ պատգամավոր Մետաքսե Հակոբյանը։
Կարևոր է, որ Հայաստանն ու Ադրբեջանը հավատարիմ մնան դրական և համաձայնեցված օրակարգին։ X-ի իր միկրոբլոգում այս մասին գրել է Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը` անդրադառնալով ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի` Բրյուսելում կայանալիք հանդիպմանը։
ՄԱԿ-ի գլխավոր քարտուղար Անտոնիո Գուտերեշը Իսրայելին կոչ է արել կանխել հումանիտար աղետը այն բանից հետո, երբ իսրայելական բանակը հրամայել է ավելի քան մեկ միլիոն մարդու հեռանալ Գազայի հյուսիսային մասից, հայտնում է AFP-ն։
Արտաշատի մարզադպրոցի դահլիճում մնացել է Լեռնային Ղարաբաղից բռնի տեղահանված միայն 2 ընտանիք։ «Ֆեյսբուք» սոցիալական ցանցի իր էջում այս մասին գրառում է արել ՀՀ տարածքային կառավարման և ենթակառուցվածքների նախարարության մամուլի խոսնակ Սոնա Հարությունյանը։
Amnesty International իրավապաշտպան կազմակերպությունը հայտարարել է, որ հետաքննում է այն պնդումները, թե Իսրայելը սպիտակ ֆոսֆոր է օգտագործել Գազայի հատվածի վրա հարձակումների ժամանակ, հայտնում է Euronews-ը։
Սեպտեմբերի 19-ից ռուս խաղաղապահները փակել են ութ դիտակետ և ևս 15 ժամանակավոր դիտակետեր Լեռնային Ղարաբաղի Ասկերանի, Շուշիի, Մարտունու և Մարտակերտի շրջաններում, հայտնում է РИА Новости-ն՝ ՌԴ ՊՆ-ին հղումով։
Պարզ է չէ՞, որ Ադրբեջանի կողմից մարդկային վերաբերմունք ակնկալել առևանգված մեր քաղաքացիների նկատմամբ, բացառված է: Նրանց համար Հայաստանի ու Արցախի յուրաքանչյուր բնակիչ այն նույն «մեղադրանքի» կրողն է ու «ձերբակալման» ենթակա անձը, ինչ անմարդկային վերաբերմունքի «արժանի» 68-ամյա Վագիֆ Խաչատրյանը: Այս մասին գրում է ՀՀ Մարդու իրավունքների նախկին պաշտպան Արման Թաթոյանը:
Կարմիր խաչը դեռ չի տեսակցել Բաքվում ապօրինի կալանավորված Արցախի ներկա ու նախկին բարձրաստիճան պաշտոնյաներին։ Այս մասին NEWS.am-ին է փոխանցել ԿԽՄԿ հայաստանյան գրասենյակի հաղորդակցման ծրագրերի ղեկավար Զառա Ամատունին։
ՌԴ նախագահ Վլադիմիր Պուտինն ասել է, որ կապի մեջ է ՀՀ վարչապետ Նիկոլ Փաշինյանի հետ, կա Երևան այցելելու հրավեր, և կա հայկական կողմի համար Ռուսաստան այցելելու պատասխան հրավեր, բայց հիմա, հավանաբար, ուղևորությունների ժամանակը չէ։
Պաղեստինի նախագահ Մահմուդ Աբասն այսօր կոչ է արել անհապաղ դադարեցնել Իսրայելի ագրեսիան և պաղեստինցիների տեղահանումը Գազայից, հայտնում է WAFA-ն։