Արցախի տեղեկատվական շտաբից տեղեկացնում են, որ Արցախի բոլոր բուժհաստատություններում պլանային վիրահատությունների դադարեցման պատճառով մոտ 1,390 քաղաքացի զրկվել է վիրահատվելու միջոցով առողջական խնդիրների լուծման հնարավորությունից՝ վերջին 4 օրվա ընթացքում աճելով շուրջ 15 դեպքով։
ԳԹԿ տնօրենի հրամանով հաստատվել է միասնական քննության առաջին օրը՝ հունիսի 9-ին. այդ օրը դիմորդները հանձնելու են «քիմիա» և «ռուսաց լեզու» առարկաների միասնական քննությունները: Այս մասին, այսօր՝ հունիսի 6-ին, մամուլի ասուլիսի ժամանակ նշեց Գնահատման և թեստավորման կենտրոնի փոխտնօրեն Կարո Նասիբյանը՝ հավելելով, որ միասնական քննությունները կավարտվեն հունիսի 27-ին՝ «Հայոց պատմություն» և «ֆիզիկա» առարկաներով:
Հայ-ադրբեջանական սահմանի սահմանազատման հանձնաժողովը անկլավների հարց չի քննարկել։ Sputnik Արմենիայի հարցմանն ի պատասխան` հայտնեցին հանձնաժողովի նախագահ, փոխվարչապետ Մհեր Գրիգորյանի գրասենյակից։
Զինծառայողների ատեստավորման գործընթացի շրջանակում՝ ստուգվել է «Պաշտպան հայրենյաց» ծրագրի շահառուների անհատական ֆիզիկական պատրաստության աստիճանը։ Տեղեկությունը հայտնում է ՀՀ պաշտպանության նախարարության մամուլի ծառայությունը։
Փոխվարչապետ Մհեր Գրիգորյանը ընդունել է «Լիդիան Արմենիա» ընկերության տնօրենների խորհրդի անդամ Ջեֆֆրի Քոուչին, «Լիդիան Արմենիա» ընկերության գործադիր տնօրեն Հայկ Ալոյանին և «Ըլայդ Գոլդ Քորփ.» ընկերության հիմնադիր, գործադիր տնօրեն և նախագահ Ջասթին Դիբբին:
Հայ Առաքելական Եկեղեցին տոնել է Սուրբ Գայանյանց կույսերի հիշատակը: Տեղեկությունը հայտնում է Մայր աթոռի տեղեկատվական համակարգը։
Կախովկայի ՀԷԿ-ի պայթեցումը կատարել է ուկրաինական կողմը։ Այս մասին հայտարարել է Ռուսաստանի պաշտպանության նախարար Սերգեյ Շոյգուն, փոխանցում է Ինտերֆաքսը։
Ադրբեջանական զինուժը կրակ է բացել ինժեներական աշխատանքներ իրականացնող տեխնիկայի ուղղությամբ։ Տեղեկությունը հայտնում է ՀՀ պաշտպանության նախարարությունը։
Վիճակագրությունը փաստում է` աշխարհում կարմրուկի դեպքերը 2022 թվականին 2021 թվականի համեմատ աճել են մոտ 80%-ով. միտումը շարունակվում է նաև այսօր: Կարմրուկի դեպքեր գրանցվում են աշխարհի գրեթե բոլոր երկրներում: Համաճարակային իրավիճակն անհանգիստ է նաև ԱՀԿ եվրոպական տարածաշրջանում:
Հայաստանի խոշորագույն ջրամբարներում շատ քիչ ջուր է կուտակվել։ Այնպես որ, մեզ բավականին ծանր տարի է սպասվում։ Այս մասին այսօր՝ հունիսի 6-ին, ԱԺ մշտական հանձնաժողովների համատեղ նիստում 2022 թվականի պետական բյուջեի կատարողականի մասին հաշվետվության քննարկման ժամանակ ասաց տարածքային կառավարման և ենթակառուցվածքների փոխնախարար Վաչե Տերտերյանը։