ՀՀ մարդու իրավունքների պաշտպան Անահիտ Մանասյանն այսօր Եվրոպայի խորհրդի գլխավոր քարտուղար Մարիա Պեյչինովիչ Բուրիչին է ներկայացրել ՀՀ սահմանամերձ բնակավայրերի բնակիչների իրավունքների խախտումներին առնչվող հարցեր։ Տեղեկությունը հայտնում է ՄԻՊ աշխատակազմի մամուլի ծառայությունը։
ՀՀ ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը Հայաստանում Առողջապահության համաշխարհային կազմակերպության ներկայացուցչից պահանջել է, որ հասցեական արձագանքի շտապօգնության մեքենայի ուղղությամբ կրակ բացած Ադրբեջանի զինված ուժերի հակաիրավական գործողություններին։
Ադրբեջանցիները Հակարիի կամրջի մոտ կանգնեցրել են ռուս խաղաղապահների ուղեկցությամբ Արցախից Հայաստան եկող շտապօգնության մեքենան, ստուգել նրանում գտնվող բուժառուներին, բուժանձնակազմին, նաև մեքենան: Այս մասին ասվում է Արցախի հանրային ՀԸ-ն պատրաստած ռեպորտաժում:
«Հայաստան» խմբակցության պատգամավորներ Իշխան Սաղաթելյանը, Գառնիկ Դանիելյանը, Ասպրամ Կրպեյանը, Քրիստինե Վարդանյանը, Արգիշտի Գևորգյանը և Արման Ղազարյանը տեղում իրավիճակին ծանոթանալու և քաղաքացիների հետ զրուցելու նպատակով այցելել են Գեղարքունիքի մարզ, եղել Սոթք և Կութ համայնքներում: Այս մասին հայտնում են խմբակցության ֆեյսբուքյան էջում:
Մայիսի 11-ին երկրաշարժ է եղել Թուրքիա-Իրան սահմանային գոտում։ Ցնցումները զգացվել են Երևանում, Կոտայքի և Արարատի մարզերում։ Տեղեկությունը հայտնում է ՀՀ ՆԳՆ մամուլի ծառայությունը։
Մայիսի 11-ին, ժամը 19:50-ի սահմաններում Ադրբեջանի ԶՈւ ստորաբաժանումները Գեղարքունիքի մարզի Վերին Շորժայի ուղղությամբ կրակել են ականանետից: Տեղեկությունը հայտնում է ՀՀ ՊՆ մամուլի ծառայությունը։
Սոթքի ուղղությամբ այսօր՝ մայիսի 11-ին, ադրբեջանական կրակոցների հետևանքով վիրավորված չորս զինծառայողներից երկուսը տեղափոխվել են Երևան։ Այս մասին հայտնում է Պաշտպանության նախարարության մեր աղբյուրը։
Տիգրան Ավինյանը լրագրող Դավիթ Սարգսյանի և «168 ժամի» դեմ հայցեր է ներկայացրել՝ իր պատիվը, արժանապատվությունը և գործարար համբավն արատավորելու համար դրամական փոխհատուցում վճարելու պահանջով։ Ինչպես արդեն հաղորդվել է, պատճառը լրագրողի հեռուստաթողարկումն է, որտեղ ներկայացված է «բացառապես նախկինում հրապարակված և երբևէ չհերքված, ավելին՝ ապացուցված մի շարք կոռուպցիոն ռիսկեր, որոնք վերաբերում են իրեն և իր շրջապատին»։
Դուբայի ավիացիոն իշխանությունն արգելել է «FlyOne Armenia» ավիաընկերության Երևան-Դուբայ չվերթը սպասարկող ինքնաթիռի վայրէջքը Դուբայում։ Այս մասին Sputnik Արմենիայի հետ զրույցում ասաց ավիաընկերության տնօրենների խորհրդի նախագահ Արամ Անանյանը:
Այսօր ժամը 18:25-ի սահմաններում Ադրբեջանի ԶՈւ ստորաբաժանումները Գեղարքունիքի մարզի Նորաբակ համայնքի ուղղությամբ խախտել են հրադադարը՝ կիրառելով հրետանային միջոց: Տեղեկությունը հայտնում է ՀՀ ՊՆ մամուլի ծառայությունը։