Օսմանյան կայսրության կողմից 1915թ. հայերի նկատմամբ իրականացված ցեղասպանությունը 20-րդ դարասկզբի մեծագույն ոճրագործությունն էր: Աշխարհասփյուռ հայությունը հիշատակում է Հայոց ցեղասպանության 110-րդ տարելիցը:
Սպիտակ տան մամուլի քարտուղար Քերոլայն Լևիթը հերքել է լուրերն այն մասին, ըստ որոնց ԱՄՆ նախագահ Դոնալդ Թրամփը վերջնագիր է ներկայացրել Ուկրաինայի նախագահ Վլադիմիր Զելենսկիին՝ ընդունելու հաշտության մշտական առաջարկը «մինչև օրվա վերջ», հակառակ դեպքում ԱՄՆ-ը կարող է հրաժարվել խաղաղ բանակցություններից։
Բաքվի ծանր հանցագործությունների դատարանը դատավճիռ է կայացրել Էմին Հասիմզադեի քրեական գործով, որը մեղադրվում է «պետական դավաճանության և Ադրբեջանի սահմանադրական կարգի դեմ ուղղված այլ հանցագործությունների մեջ»։
«Պարզ փաստերով հերքվում է այդ ամենը. միայն հորս կառավարման ժամանակաշրջանում 15 երկիր ճանաչել է հայոց Ցեղասպանությունը, դա եղել է մեր արտաքին քաղաքականություն թիվ մեկ հարցերից մեկը»։ Այս մասին ապրիլի 23-ին, Հանրապետության հրապարակից մեկնարկած ջահերով երթի ժամանակ լրագրողների հետ զրույցում ասաց ԱԺ «Հայաստան» խմբակցության պատգամավոր Լևոն Քոչարյանը՝ պատասխնելով լրագրողի հարցին այն մասին, որ իշխանությունը մեղադրում է ընդդիմությանը և նախկին նախագաներին Ցեղասպանության ճանաչման հարցը սակարկման առարկա դարձնելու համար։
Ադրբեջանի ԶՈւ–ն կրակել է Սյունիքի մարզի Խոզնավար գյուղի ուղղությամբ, վնասվել է բնակելի տուն։ Տեղեկությունը հայտնում է ՀՀ պաշտպանության նախարարությունը։
«Ծիծեռնակաբերդի բարձունք ենք եկել ջահերով և լույսով, բերել ենք մեր հոգիների ու մտքերի լույսը՝ ի տես աշխարհի և մարդկության մեկ անգամ ևս բարձրաձայնելու արդարության ձայնը»։ Այս մասին այսօր՝ ապրիլի 23-ին, Ծիծեռնակաբերդի հուշահամալիրում ասաց Տեր Նաթան արքեպիսկոպոս Հովհաննիսյանը։
ՀՅԴ ՀԵՄ Կենտրոնական վարչության ներկայացուցիչ Ժորա Ավդալյանի ելույթը՝ Հայոց Ցեղասպանության 110-րդ տարելիցին ընդառաջ․
«Բոլոր թեզերը, որ առաջ են քաշում Հայաստանի իշխանությունները, կեղծ են, դրանք մեր իրավիճակին չհամապատասխանող թեզեր են։ Չի կարող խաղաղության մասին խոսք լինել, երբ 160 հազար հայ բնավեր է, տնավեր է»։ Այս մասին այսօր՝ ապրիլի 23-ին, Հանրապետության հրապարակում մեկնարկած ջահերով երթի ժամանակ լրագրողների հետ զրույցում ասաց Արցախի ԱԺ պատգամավոր Մետաքսե Հակոբյանը։
Ավանդական դարձած ջահերով երթի մասնակիցները Ծիծեռնակաբերդի բարձունքում հարգանքի տուրք մատուցեցին Հայոց ցեղասպանության զոհերի հիշատակին։ Հոգևորականի գլխավորությամբ տերունական աղոթք հնչեցվեց։
Օսմանյան կայսրությունում 1915 թվականին հայերի նկատմամբ մեծագույն ոճիր է իրականացվել՝ ցեղասպանություն: Էրմենիհաբերի փոխանցմամբ՝ ապրիլի 24-ին ընդառաջ, Հայոց ցեղասպանության 110-րդ տարելիցի կապակցությամբ «Ժողովրդավար հայ երիտասարդության շարժումը» Սիրիայի Ղամըշլը քաղաքում գտնվող «Միացյալ ազգերի կազմակերպության բարձրագույն խորհրդի» շենքի առջև բողոքի ակցիա է իրականացրել: