Իրանի կառավարությունն արտակարգ նիստ է անցկացրել Իսրայելի հարվածների կապակցությամբ։ Այս մասին հայտնում է Իրանի նախագահ Մասուդ Փեզեշքիանի մամուլի ծառայությունը։
Ադրբեջանը դեռևս պաշտոնական արձագանք չի տվել տարածաշրջանում հաղորդակցային ուղիների ապաշրջափակման շուրջ Հայաստանի առաջարկներին։
Ռուսաստանի հայերի միության նախագահ Արա Աբրահամյանը դիմել է ՌԴ արտգործնախարարությանը` խնդրելով ամեն ինչ անել Իրանում տեղի ունեցող իրադարձությունների պատճառով Բաքվում հարկադիր վայրէջք կատարած ինքնաթիռներում գտնվող հայերի անվտանգությունն ապահովելու համար: Տեղեկությունը հայտնում է ՌՀՄ մամուլի ծառայությունը։
ՌԴ ԱԳՆ–ն Իսրայելի կողմից Իրանի, նրա քաղաքացիների, խաղաղ քաղաքների և միջուկային էներգետիկ ենթակառուցվածքների օբյեկտներին հասցված հարվածները որակել է ոչ հրահրված և անընդունելի։ Այս մասին ասվում է ՌԴ ԱԳՆ հայտարարության մեջ։
Իրանի Կարմիր մահիկի ընկերության խոսնակ Մոջթաբա Խալիդին Tasnim-ին ասել է, որ երկրի 12 նահանգներում շարունակվում են օգնության և փրկարարական գործողությունները, և այսօր առավոտյան Իսրայելի հարվածներից վիրավորվել է 95 մարդ, որոնք տեղափոխվել են բժշկական կենտրոններ։
Հայաստանի Հանրապետության անվտանգության խորհրդի գրասենյակից հերքում են Hraparak.am կայքում հրապարակված՝ Հայաստան-Ադրբեջան սահմանազատման մասին մի շարք հոդվածներում տեղ գտած տեղեկությունները:
«Ազատություն» ռադիոկայանի ծրագրերի արբանյակային հեռարձակումը ժամանակավորապես դադարեցվել է։ ԱՄՆ Գլոբալ լրատվամիջոցների գործակալությունը (USAGM), որը ֆինանսավորում է մեդիա կորպորացիան, չի երկարաձգել պայմանագիրը հեռարձակումն իրականացնող արբանյակային ծառայության հետ, հայտնում է ՏԱՍՍ-ը՝ հղում անելով «Ազատություն» ռադիոկայանի ղեկավարությանը։
Իրանի Թավրիզ քաղաքի օդանավակայանում պայթյուն է որոտացել։ Տեղեկությունը հայտնում են իրանական լրատվամիջոցները։
Մերձավոր Արևելքից ստացված հաղորդագրությունները խորապես մտահոգիչ են, սոցիալական ցանցերում հայտարարել է Եվրոպական հանձնաժողովի նախագահ Ուրսուլա ֆոն դեր Լեյենը։
Ձերբակալվել է ՀՀ նախկին վարչապետ Հովիկ Աբրահամյանը, այդ մասին Sputnik Արմենիային հայտնեցին Հակակոռուպցիոն կոմիտեից։