Հայաստանի արտաքին գործերի նախարար Արարատ Միրզոյանն Թուրքիայի Ադըյաման քաղաքում հանդիպել է հայ փրկարարների հետ:

ՆԱՏՕ-ի երկրները պայմանավորվել են ակտիվացնել աջակցությունը Վրաստանի և Մոլդովայի պաշտպանական ներուժին: «ՌԻԱ նովոստի»-ն հայտնում է, որ այդ մասին հայտարարել է գլխավոր քարտուղար Յենս Ստոլտենբերգը՝ Բրյուսելում դաշինքի երկրների պաշտպանության նախարարությունների ղեկավարների հանդիպման արդյունքները ներկայացնելիս։

Եկող 2024 թվականին աշխարհը կնշի ականավոր շանսոնյե Շառլ Ազնավուրի 100-ամյակը։ Ազնավուրի մասին առաջին գեղարվեստական ​​ֆիլմը՝ «Պարոն Ազնավուր» (Ֆրանսիա) էկրաններ կբարձրանա, հայտնում է «Ազնավուր» հիմնադրամը։ Ազնավուրը ծնվել է 1924 թվականի մայիսի 22-ին Փարիզում։ Իր երկարատև ստեղծագործական գործունեության ընթացքում շանսոնյեն գրել է մոտ 1 300 երգ, վաճառել ավելի քան 200 միլիոն սկավառակ։

ՀՀ ՔԿ ԶՔԳՎ հինգերորդ կայազորային քննչական բաժին հաղորդում է ստացվել այն մասին, որ 14.02.2023թ.՝ ժամը 18։05-ի սահմաններում, Ադրբեջանի Հանրապետության զինված ուժերի զինծառայողը, ազգային, էթնիկ ծագումով, ատելության, անհանդուրժողականության կամ թշնամանքի շարժառիթով կյանքից զրկելու դիտավորությամբ, կրակոց է արձակել ՀՀ ՊՆ N զորամասի պահպանության տեղամասի՝ Նորաբակ բնակավայրի հատվածում մարտական հենակետի ուղղությամբ: Այս մասին Facebook-ի իր էջում գրել է ՔԿ մամուլի խոսնակ Գոռ Աբրահամյանը:

Ավերիչ երկրաշարժի հետևանքով Սիրիայում վիրավորում ստացած տասը հայերից ութն արդեն դուրս են գրվել բժշկական կենտրոններից, մյուս երկուսը շարունակում են բուժումը հիվանդանոցում։ Այս մասին NEWS.am–ի հետ զրույցում ասաց Հալեպի «Գանձասար» պարբերականի խմբագիր Զարմիկ Պողիկյանը։

Ռուսաստանի դեմ պատժամիջոցների տասներորդ փաթեթը, որը Եվրամիությունը մտադիր է սահմանել մինչև փետրվարի 24-ը, ենթադրում է 11 միլիարդ եվրոյի չափով առևտրային սահմանափակումներ: Եվրահանձնաժողովի (ԵՀ) ղեկավար Ուրսուլա ֆոն դեր Լայենը նման հայտարարություն է արել՝ այսօր Ստրասբուրգում հանդես գալով Եվրախորհրդարանի (ԵԽ) լիագումար նստաշրջանում: Այս մասին «Արմենպրես»-ը տեղեկանում է ТАСС գործակալությունից:

Երևանում ՄԱԿ-ի գրասենյակի մոտ քրդական համայնքը բողոքի ակցիա է իրականացնում Աբդուլլահ Օջալանի բանտարկության 24-րդ տարելիցի կապակցությամբ։ Նրանք կարծում են, որ Օջալանն անհիմն է դատապարտված ու կոչ են անում ամբողջ աշխարհին ճնշում գործադրել Թուրքիայի վրա, որպեսզի նա ազատ արձակի Օջալանին, նաև ուշադրություն դարձնեն քրդերի նկատմամբ թուրքական իշխանությունների կողմնակալ քաղաքականությանը։  

12 երկիր դադարեցրել է ոոնողա-փրկարարական աշխատանքները Թուրքիայում, չնայած որ դեռևս ամբողջությամբ չեն ավարտվել աշխատանքները։

Թուրքիայի իշխանությունը երկրաշարժի գոտում հայտնաբերել է ավելի քան 50,5 հազար շենք, որոնք պետք է շտապ քանդել։ Այս հայտարարությունն արել է Թուրքիայի շրջակա միջավայրի, ուրբանիզացիայի և կլիմայի փոփոխության նախարար Մուրատ Կուրումը: