Ինձ շատ դուր եկավ Ռուսաստանի նախագահի օրինակելի պատասխանը լրատվամիջոցների գլխավոր խմբագիրների հետ երեկվա զրույցի ժամանակ, և ես ինձ թույլ կտամ գրագողություն անել. «Ես նույնիսկ չեմ ուզում մտածել այդ մասին, ես նույնիսկ չեմ ուզում քննարկել դա»։ Այս մասին շաբաթական ճեպազրույցի ժամանակ հայտարարեց Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ պատասխանելով Ալիևի՝ Իրան-Իսրայել պատերազմի ֆոնին այսպես կոչված Զանգեզուրի միջանցքը բացելու հնարավոր ծրագրերի մասին հարցին։

Հունիսի 14-ից ի վեր մոտ 550 ՌԴ քաղաքացի է տարհանվել Հայաստանի և Ադրբեջանի միջոցով։ Ճեպազրույցի ժամանակ այս մասին հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։

«Հայաստանի էլեկտրական ցանցեր» ՓԲ ընկերության 100 % բաժնետոմսերը գրավադրված են միջազգային ֆինանսական կազմակերպություններում։ Այս գրավադրման գործարքին 2021 թվականի օգոստոսի 27-ին համաձայնություն է տվել ՀՀ կառավարությունը, իսկ օրեր անց՝ սեպտեմբերի 1-ին, Հանրային ծառայությունները կարգավորող հանձնաժողովը։ Այս մասին գրում է Factor.am-ը։

Ադրբեջանում պահվող հայ գերիները ընտանիքներից ծանրոցներ են ստացել, Sputnik Արմենիայի հետ զրույցում ասաց Կարմիր խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին։ Նա հաստատեց, որ հունիսին Կարմիր խաչի միջազգային կոմիտեի ադրբեջանյան գրասենյակի ներկայացուցիչները այցելել են Բաքվում պահվող հայ գերիներին, որոնց անունները նրանց փոխանցել էին Կարմիր խաչի հայ գործընկերները։

ՀՀ գործող իշխանությունը մինչև 2018 թվականըպայքարում էր զանգովի արդարադատության դեմ, սակայն 2018 թվականից հետո «աբդեյթ» եղավ ու սկսեց ֆեյսբուքյան արդարադատություն իրականացնել։ Այդ մասին այսօր ԱԺ–ում հայտարարեց «Հայաստան» խմբակցության պատգամավոր Աննա Գրիգորյանը` անդրադառնալով ՀՀ վարչապետ Նիկոլ Փաշինյանի գրառումների և գործարար, բարերար Սամվել Կարապետյանի դեմ իրականացվող քայլերի կապին։

Արցախցիները բողոքի ակցիա են իրականացրել կառավարության շենքի մոտ՝ պահանջելով լուծել իրենց սոցիալական խնդիրները, մասնավորապես՝ անժամկետ տրամադրել «40+10» աջակցության ծրագրի ամենամսյա վճարումները։  

Իրանը Ռուսաստանից ռազմական օգնություն չի խնդրել, սակայն Մոսկվայի աջակցությունը Թեհրանին ակնհայտ է, հինգշաբթի ՊՄՏՀ շրջանակում հայտնել է ՌԴ նախագահի մամուլի քարտուղար Դմիտրի Պեսկովը։

Անհետ կորածների հարազատները երեկվանից փակ են պահում Երևանի Բաղրամյան պողոտան։ Հունիսի 18-ին նրանք նախ բողոքի ակցիա արեցին ՀՀ կառավարության շենքի մոտ` պահանջելով, որ Արմեն Աբազյանը վերականգնվի ԱԱԾ տնօրենի պաշտոնում, քանի որ, նրանց խոսքով, Աբազյանը հսկայական աշխատանք է արել հանձնաժողովի շրջանակում, հետո փակեցին Բաղրամյան պողոտան։

Նիկոլ Փաշինյանին ուզումեմ ասել` իսկապես, չեմ պատրաստվում իր այդ բառապաշարով անդրադառնալ գրառումներին ու մտքերին, որ շատ ուզենամ էլ` չեմ կարող, Դուք անմրցելի եք այդտեղ` հատակն անընդհատ ծակելու մրցույթում: Այս մասին, այսօր՝ հունիսի 19–ին, ԱԺ-ումիր ելույթին ասաց «Հայաստան» խմբակցության պատգամավոր Քրիստինե Վարդանյանը: