ՀՀ կառավարությունը, 2023թ–ի հունվարի 1-ից նվազագույն աշխատավարձը 7000 դրամով ավելացնելով, ոչ թե սոցիալական խնդիր է լուծում, այլ ընդամենը մեղմում է իր ձախողած սոցիալական, տնտեսական քաղաքականության հետևանքները։ Sputnik Արմենիայի հետ զրույցում այս տեսակետը հայտնեց տնտեսագետ Սուրեն Պարսյանը` վկայակոչելով պաշտոնական վիճակագրության ցուցանիշները։
Տեղական բիզնեսի երկարամյա ջանքերից հետո Հայաստանում թույլատրվել է օգտագործել բազալտե թելերից պատրաստված ամրանները։ «ArmBas» («Հայբազալտ») բազալտային նյութերի գործարանի առևտրային տնօրեն Սոկրատ Գրիգորյանը Sputnik Արմենիայի հետ զրույցում հայտնեց, որ Հայաստանի քաղաքաշինության կոմիտեի հետ երկարատև աշխատանքից հետո հաստատվել են միջպետական ստանդարտները (ГОСТ), ինչպես նաև այդ ամրանների օգտագործման շինարարական նորմերն ու կանոնները: Այժմ թույլատրվում է դրանք օգտագործել ոչ կրող կոնստրուկցիաներում, և տեղական կառուցապատողներն արդեն սկսում են փորձարկել այն։
Արդշինբանկն այսօր հաճախորդներին հասանելի դարձրեց ևս մեկ նորարարական վճարային լուծում՝ Google Pay-ը: Այժմ անհպում վճարումները բանկի քարտապանները կարող են կատարել արագ, հեշտ և անվտանգ Android օպերացիոն համակարգով աշխատող հեռախոսներով և Wear OS ժամացույցներով ավելի քան 45 երկրների առևտրի կետերում, ինչպես նաև Google Pay վճարումներ ընդունող առցանց խանութներում: Google Pay-ը հասանելի կլինի Արդշինբանկի կողմից թողարկված Visa և Mastercard դեբետային և վարկային բոլոր քարտերի համար:
Կարտոֆիլի արտադրության ոլորտում, որը որոշ ժամանակ առաջ մենք սկսել էինք նույնիսկ արտահանել, խնդիրներ են առաջացել։ Վերջին տարիներին ապրանքը 20 տոկոսով թանկացել է։ Այս մասին News.am-ի թղթակցի հետ զրույցում ասաց գյուղատնտեսության նախկին փոխնախարար Աշոտ Հարությունյանը։
Սփյուռքի հարցերով գլխավոր հանձնակատարի գրասենյակի հետ համատեղ իրականացված ուսումնասիրության արդյունքները ցույց են տվել, որ սփյուռքահայերի 74%-ը պատրաստ է ներդրումներ կատարել Հայաստանում: Մարդիկ հնարավորություններ են փնտրում նաև մասնավոր ներդրումների համար։ Ինչպես հաղորդում է «Արմենպրեսը», այդ մասին հայտարարել է ՀՀ էկոնոմիկայի նախարար Վահան Քերոբյանը՝ ելույթ ունենալով Երևանում ընթացող «Այլընտրանքային ներդրումներ Հայաստանում» համաժողովում: Նախարարի խոսքերով՝ Հայաստանում մասնավոր ներդրումներ ներգրավելու մեծ հնարավորություններ կան։ «Մեր կառավարության նպատակն է փոխել տնտեսության կառուցվածքը և սպառման վրա հիմնված աճի մոդելից անցում կատարել ներդրումների վրա հիմնված աճի մոդելին՝ ընդհանուր ներդրումների ծավալը հասցնելով ՀՆԱ 25%-ի, օտարերկրյա ուղղակի ներդրումների ծավալը՝ ՀՆԱ 6%-ի և այլն»,- նշել է Քերոբյանը:
Հայաստանի կառավարությունը վերջին 4 տարվա և 4 ամսվա ընթացքում ստեղծել է 143 000 նոր աշխատատեղ։ Ինչպես հաղորդում է «Արմենպրեսը», այդ մասին ԱԺ մշտական հանձնաժողովների համատեղ նիստում հայտարարել է ՀՀ վարչապետ Նիկոլ Փաշինյանը՝ 2023 թվականի պետական բյուջեի մասին օրինագծի քննարկման ժամանակ:
Կառավարության գործողություններն այնքանով նպաստեցին տնտեսության աճին, որ չխանգարեցին դրան։ Այս մասին News.am-ի թղթակցի հետ զրույցում ասաց ՀՀ ֆինանսների նախկին նախարար Վարդան Արամյանը։
Արդշինբանկը և Mastercard-ը հայտարարում են նոր ակցիայի մասին և առաջարկում են կատարել անկանխիկ վճարումներ ամենապարզ, արագ տարբերակներից մեկով՝ Apple Pay-ով, և ստանալ քեշբեք։
Ամերիաբանկի ֆինանսական տնօրեն Հովհաննես Թորոյանն հարցազրույց է տվել Global Markets ամսագրին՝ ներկայացնելով Բանկի ռազմավարությունն ու հիմնական գործոնները, որոնք ապահովել են Ամերիաբանկի հաջողությունը Հայաստանի բանկային համակարգում։ Հարցազրույցն ամբողջությամբ հասանելի է ստորև։
Հոկտեմբերի 26-ին լրագրողների հետ հանդիպմանը ներկայացվեց «Ամերիա Բիզնես» հարթակի նոր՝ ԱՁ օնլայն գրանցելու հնարավորությունը:
