Ադրբեջանական թելեգրամյան ալիքը թվարկել է այն երկրները, որոնք «հրապարակայնորեն դատապարտել են Նախիջևանի վրա իրանական անօդաչու թռչող սարքերի հարվածները»։
«Երկրներ, որոնք հրապարակման պահին հրապարակայնորեն դատապարտել են Նախիջևանի վրա իրանական անօդաչու թռչող սարքերի հարվածները.
Սաուդյան Արաբիա. ԱԳՆ հայտարարություն, որով դատապարտվում է Ադրբեջանի (և նաև Թուրքիայի) վրա Իրանի հարձակվելու փորձերը։
Կատար. ԱԳՆ հայտարարություն/դիրքորոշում (QNA-ի միջոցով), որով դատապարտվում է Ադրբեջանում գտնվող թիրախի վրա իրանական անօդաչու թռչող սարքերի հարձակումը (և նաև Թուրքիայի վրա հարձակման փորձը)։
Միացյալ Թագավորություն. հրապարակային դատապարտում Ադրբեջանում Մեծ Բրիտանիայի դեսպանի հայտարարության միջոցով։
Ուկրաինա. Ադրբեջանում Ուկրաինայի դեսպանության կողմից դատապարտում։
Իսրայել. հրապարակային դատապարտում/խիստ արձագանք Իսրայելի ԱԳՆ ներկայացուցիչներից (ներառյալ փոխարտգործնախարարի հայտարարությունը)»,- ասված է ալիքի հայտարարության մեջ։
Ըստ ադրբեջանական լրատվամիջոցների, Ֆրանսիան, որն ավելի ուշ միացել է այս ցանկին, ներկայացված է Բաքվում իր դեսպանի կողմից։
Ավելի վաղ Ադրբեջանը հայտնել էր Նախիջևանի ուղղությամբ իրանական չորս անօդաչու թռչող սարքերի արձակման մասին։ Ադրբեջանի նախագահ Իլհամ Ալիևը Թեհրանին սպառնացել է «երկաթե բռունցքով»։
Ալիևը հայտարարել է, որ Ադրբեջանի զինված ուժերը՝ Պաշտպանության նախարարությունը, Պետական սահմանապահ ծառայությունը և մյուս բոլոր հատուկ նշանակության ուժերը, բերվել են բարձր մարտական պատրաստության և պետք է պատրաստ լինեն ցանկացած գործողություն իրականացնելու։
Իրանի զինված ուժերի գլխավոր շտաբը հերքել է «Ադրբեջանի ուղղությամբ անօդաչու թռչող սարք արձակելու» մասին հաղորդագրությունները։
News.am
