Իրանի արտգործնախարարություն են կանչվել եվրոպական 3 երկրի դեսպաններ։ Տեղեկությունը հայտնում է իրանական «Tasnim» գործակալությունը:
«Իրանի ԱԳՆ-ն կանչել է Մեծ Բրիտանիայի, Ֆրանսիայի և Գերմանիայի դեսպաններին. այդ երկրները հրապարակավ աջակցություն են հայտնել երկրում տեղի ունեցող բողոքի ակցիաներին ու անկարգություններին, ինչպես նաև դրանց մասնակիցներին», – ասված է հաղորդագրության մեջ:
Հիշեցնենք` Իրանում բողոքի զանգվածային ակցիաներ են անցկացվում 2025–ի դեկտեմբերի 28-ից։ Դժգոհության հիմնական պատճառները փոխարժեքի տատանումներն են ու գների բարձրացումը։ Սակայն ավելի ուշ Իրանի մի շարք քաղաքներում բողոքի ակցիաները վերաճեցին ոստիկանության հետ բախումների, իսկ կարգախոսները ստացան քաղաքական բնույթ՝ ընդդեմ Իրանում առկա քաղաքական կարգի:
Հունվարի 2-ին ԱՄՆ նախագահ Դոնալդ Թրամփը հայտարարեց, թե ԱՄՆ–ն պատրաստ է պաշտպանել Իրանի քաղաքացիներին, եթե այդ երկրի իշխանությունները ուժ կիրառեն նրանց դեմ: Թեհրանը դատապարտեց այդ սպառնալիքները։
Sputnik Արմենիա
