Հայաստանում ԱՄՆ դեսպան Քրիստինա Քվինը Հայաստանն անվանեց «ժողովրդավարության պայծառ կետ» տարածաշրջանում՝ մոռանալով իր շեֆության՝ ԱՄՆ Պետդեպի զեկույցը Հայաստանի մասին ու
Պետդեպի ներկայացուցչի գովեստն Ալիևին այն բանի համար, որ նա պատրաստ է «համաներում տալ» Արցախի ժողովրդի ընտրած իշխանություններին, եթե արցախահայերը գլխիկոր գնան իր մոտ:
ԱՄՆ հարգարժան գործընկերներ, 2009-2013 թթ.՝ 5 անգամ, ձեր երկրի 2 նախագահները հայտարարել են, որ ինքնորոշման իրավունքը Արցախյան հիմնահարցի կարգավորման սկզբունքներից է:
Համաներում տալիս են հանցագործներին:
Երբ ԱՄՆ-ն ողջունում է Ալիևի պատրաստակամությունը համաներում տալու Արցախի իշխանություններին, դա ի՞նչ է նշանակում՝ ինքնորոշման իրավունքի հետապնդումը քրեական արա՞րք է:
Մենք ունենք ԵՄ ունիկալ «ծյոծյա» դեսպան:
Դեռևս 2022-ի փետրվարին Հայաստանում Եվրոպական միության պատվիրակության շենքի առջև կազմակերպված բողոքի ակցիայի ժամանակ զգուշացրել եմ, որ որևէ մեկն այնքան վնաս չի տվել համամարդկային ու եվրոպական արժեքներին Հայաստանում, որքան ՀՀ-ում ԵՄ դեսպան Անդրեա Վիկտորինը՝ կոչ անելով նրան go home:
( Տես այստեղ ՝ https://www.facebook.com/permalink.php?story_fbid=491634438992332&id=100044373401589
https://www.facebook.com/armen.ashotyan/posts/10226396760483478)
Իմ՝ նախարար աշխատած ժամականերում՝ «ամեն ինչ լավ է, խոստումնալից նախարար եք» ասող Անդրեա Վիկտորինը հիմա ինքն իրեն հակասում է հայտարարելով, թե՝ «Հայաստանում կոռուպցիան ծորում էր»:
Միայն ձեզ նման ծորացող և ժամկետանց դեսպանը կարող է Ստամբուլյան կոնվենցիայից խոսել ու հասարակությանը մոլորեցնել Եվրոպան ասոցացնելով մի բանի հետ, որն իրական Եվրոպան չէ:
Չմոռանանք, որ սույն տիկինը 5 տարի ԵՄ դեսպան է եղել Բելոռուսում ու Լուկաշենկոյի հետ շատ սերտ հարաբերություններ է ունեցել և քանի դեռ շանս կար ՌԴ-ից Լուկաշենկոյին պոկելու նրա հետ «սիլի-բիլի» էին անում:
Բարեբախտաբար նոր դեսպանը շատ ավելի ամուր է:
Նիկոլ Փաշինյանն ու իր քաղաքական մարկետոլոգները ստեղծել են 2 «ֆիշկա, բրենդ».
1. «Ժողովրդավարություն», որի անվան տակ քանդեցին բանակը, հասարակությանը պառակտեցին, հանձնեցին Արցախը:
2. «Խաղաղություն», որն ի հայտ եկավ պատերազմից հետո և որի ներքո հանձնում են Հայաստանը:
Ժողովրդավարությունը չի կարող պաշտպանիչ վահան կամ բրենդ լինել մի երկրի համար, որն իր ողջ պատմության ընթացքում էքզիստենցիալ խնդիր է ունեցել:
44-օրյա պատերազմով Նիկոլը չկարողացավ հանձնել Արցախն ամբողջությամբ, ուստի վերջնարդյունքի համար գործի դրվեց երկրորդ արարը՝ բանակցային գործընթացներ:
Հայ ժողովրդի պատմությունը ճակատամարտերի, մարտերի, մեր հայրենիքում ազատ ապրելու իրավունքի համար մղվող պայքարի շարունակությունն է:
Կլինիկական անբարոյական պետք է լինել, որպեսզի Նիկոլի ներկայացրած իմաստով հայտարարել, թե 2020-ը 2016-ի շարունակությունն էր:
Ըստ թրքաբարո Նիկոլի 2016-ի ապրիլին պետք է պարտվեինք, որ 2020 թվականի պատերազմը չլիներ. Սերժ Սարգսյանն է մեղավոր, հայոց բանակն է մեղավոր, հայերն են մեղավոր, որ դիմադրել են ու Ալիևը չի հասել իր նպատակներին:
Այս հայտարարությամբ Նիկոլը կրկին խոստովանում է, որ Ապրիլյան քառօրյա պատերազմում մենք չենք պարտվել:
44-օրյա պատերազմի բոլոր թելերը տանում են դեպի Նիկոլ Փաշինյան և սա չտեսնելը կուրության կամ քաղաքական անբարոյականության հետևանք է:
Նիկոլ Փաշինյանը հայտարարեց՝ 2018 թվականի ապրիլին, մինչ հեղափոխություն, Սերժ Սարգսյանը պատերազմի անոնս արել էր և ասել, որ բանակցությունները փակուղում են:
Այս պնդման մեջ կա մի քանի սուտ.
1. Սերժ Սարգսյանը չի գուժել պատերազմ. նա հայտնել է, որ բանակցությունների ժամանակ Ադրբեջանը դեստրուկտիվ է, սակայն միջազգային հանրությունը Հայաստանի կողքին է և մենք մշտապես պետք է պատրաստ լինենք պատերազմի:
Չմոռանանք, որ Սերժ Սարգսյանի կողքին կար նաև ուժեղ և արդիականացվող բանակ:
2. «Հեղափոխությունը» սկսվել էր նախքան Սերժ Սարգսյանի այս ելույթը. Երևանում ցույցերն ու իշխանազավթումը սկսվել էր:
3. Եթե Սերժ Սարգսյանը, ըստ քեզ, պատերազմի մասին հայտարարում էր, դու, Նիկո՛լ, լինելով ոչնչություն, ինչու՞ շարունակեցիր իշխանազավթումը:
4. Սերժ Սարգսյանի հրաժարականից հետո, երբ Հանրապետական խմբակցության հետ
հանդիպում ունեցար, Նիկո՛լ, քեզ այդ բոլոր հարցերը՝ Ղարաբաղի, բանակի, մեր անվտանգության հետ կապված տրվել են, դու ինքնահավան ստում էիր, պոռոտախոսում էիր:
44-օրյա պատերազմը սկսվել է Նիկոլի իշխանազավթման պատճառով:
Նա ՝
* քանդեց բանակը,
* քայքայեց դիվանագիտությունը,
* Ալիևի հետ սիլի-բիլի արեց, նրան համարելով կիրթ և կառուցողական,
* տապալեց ՄԽ համանախագահների հետ աշխատանքները,
* ստեց սեփական ժողովրդին՝ ասելով, թե չկա բանակցվող փաստաթուղթ:
Նիկոլ Փաշինյանը հայտարարեց՝ Հայաստանում ժողովրդավարության բացակայությունը պատճառ է հանդիսացել, որպեսզի մենք բոլորս չիմանանք ճշմարտությունը Ղարաբաղի հարցի մասին։
Նիկո՛լ, ում ես դնում էշի տեղ.
1. Այդ ո՞ր մի բանակցությունների մասին, համաշխարհային մասշտաբով, բոլոր երկրների բոլոր քաղաքացիները դետալ առ դետալ գիտեն:
2. Սերժ Սարգսյանը մշտապես «բացել» է, ներկայացրել է իր մոտեցումները՝ չթաքցնելով ոչինչ ո՛չ Արցախյան հարցով, ո՛չ հայ-թուրքական հարցով:
3. 2018-ի օգոստոսին Հանրապետության հրապարակում՝ «ոչ մի գաղտնիք չեմ ունենալու ժողովրդից» ասող Նիկոլ, դու պահե՞լ ես խոսքդ:
Ո՛չ, դու ստել ես ժողովրդին, ժողովրդի թիկունքում գործարքների ես գնացել:
Ա՛յ տխմար, առաջին անգամ խոսել ես նշաձողն իջեցնելու մասին 2022-ին, այսինքն՝ քո պաշտոնավարման 4-րդ տարում:
Եվ ուրեմն՝ 2018-2022 թթ ինչու՞ էիր կառավարության ծրագրերում արտատպում բանակցային մոտեցումները, գրում ինքնորոշման իրավունք, Մադրիդյան սկզբունք, այսինքն այդ տարիներին «ժողովրդավա՞ր չէիր»:
Նիկոլի ստերը իր նման գեղցի, անմակարդակ մեկքայլանի ստեր են:
Նիկոլն ասում է ՝ Հայաստանի արտաքին քաղաքական մանևրի դաշտը փոքրացել է:
Այս ընթացքում փոքրացել է 2 բան ՝
1. Նիկոլի «խաղեր տալու» դաշտը:
2. Նիկոլի քաղաքական կյանքի տևողությունը:
Նիկոլը մեր բոլորի հաշվին, որտեղ մի «փոր» հաց են տվել, «խաղեր է տվել». նա մեզ ծախելով փոքրացրել է իր անձնական դաշտի խաղը:
Վաղը հերթական ապազգային վատ հայտարարությանը սպասենք, քանզի
Նիկոլ Փաշինյանը այսօր մեկնել է Քիշնև, որտեղ նախատեսված է նրա, Ֆրանսիայի նախագահի, Գերմանիայի կանցլերի, Եվրոպական խորհրդի նախագահի և Ադրբեջանի նախագահի հնգակողմ հանդիպումը:
ԵՄ-ն առ այսօր Արցախի հարցում ունի 2 հայամետ պաշտոնական որոշում, որոնք չեն չեղարկվել.
1. Սերժ Սարգսյանի կողմից պատրաստված և ստորագրված ՍԵՊԱ-ն՝ ԵՄ-Հայաստան Համապարփակ և ընդլայնված գործընկերության համաձայնագիր:
2. Եվրոպական հանձնաժողովի կողմից պաշտոնական տեսակետ:
Պարզ է, որ եթե Նիկոլը պատրաստ է ծախել մեզ և Արցախը, այս 2 իրավական ուժ ունեցող պաշտոնական դիրքորոշումները ԵՄ-ն կդնի մի կողմ և իր շահը առաջ կտանի:
Ֆրանսիան ՄԽ համանախագահ երկրների՝ Արցախի ժողովրդի ինքնորոշման իրավունքի՝ հիմնարար սկզբունքների մեջ ներառման կնքահայրերից է:
Ֆրանսիան այն երկիրն էր, որ կառավարությանը կոչ էր անում ճանաչել Արցախի Հանրապետության անկախությունը:
Եվ երբ այս ղեկավարի խոսույթը փոխվում է, դա նշանակում է, մեզ ներկայացնող մարդն է մեզ «խուրդում»:
Գերմանիան այն երկիրն է, որի կանցլեր Օլաֆ Շոլցն է Արցախի ժողովրդի ինքնորոշման իրավունքից խոսել Նիկոլի հետ համատեղ ասուլիսին, մինչդեռ Նիկոլը ՝ ոչ:
Ի մի բերելով կրկին անգամ փաստում ենք, որ մեր խնդիրների արմատը Նիկոլ Փաշինյանն է:
Մեր հայրենիքի դարպասները բացվել են ու ով ուզում մտնում է ու ինչ ուզում ՝ տանում:
Արմեն ԱՇՈՏՅԱՆ, ֆեյսբուքյան էջ
