Մենք ուրախ ենք, որ Ռուբեն Վարդանյանի հիմնադրած «Ապրելու երկիր» կուսակցությունը միացել է մեզ։ Բաքվի բանտերում պահվող բոլոր հայերը պետք է տուն վերադառնան. նրանք այնտեղ են հայ և հայրենասեր լինելու համար։ Դա մեր ընդհանուր տեսլականն է։ Դրա մասին ապրիլի 21-ին «Ուժեղ Հայաստան» կուսակցության համագումարում հայտարարել է քաղաքական ուժի անդամ Նարեկ Կարապետյանը:
Նա հավելել է, որ այսօր աշխարհում ընդամենը չորս միլիարդատեր է գտնվում կալանքի տակ, և նրանցից երկուսը հայեր են, ովքեր անազատության մեջ են հայտնվել իրենց ազգային գաղափարների համար։
«Նրանցից մեկը հայտնվել է Բաքվի բանտում իր ժողովրդին պաշտպանելու համար, իսկ մյուսը՝ հայաստանյան բանտում՝ Հայ Առաքելական Եկեղեցին պաշտպանելու համար։
Ժամանակն է վերականգնել արդարությունը, ժամանակն է, որ մեր ժողովրդի հերոսները մասնակցեն մեր երկրի զարգացմանը, այլ ոչ թե լինեն կալանքի տակ, որտեղ հայտնվել են երկու ընկերների ջանքերով։
Մեր ազգն ունի ընդհանուր նպատակներ, և մենք ուրախ ենք միավորվել այն ուժերի հետ, որոնք պատասխանատվություն չեն կրում երկրում տիրող ներկա իրավիճակի համար»,- ընդգծել է Կարապետյանը։
News.am
