Ռուսաստանի զինված ուժերը գիշերը բարձր ճշգրտության զենքով հարվածել են Ուկրաինայի ռազմարդյունաբերական համալիրի ձեռնարկություններին և դրանց աշխատանքն ապահովող էներգետիկ օբյեկտներին։ Ռուսաստանի պաշտպանության նախարարությունը հայտնել է, որ զանգվածային հարվածը հասցվել է ի պատասխան Կիևի կողմից Ռուսաստանում քաղաքացիական օբյեկտների վրա հարձակումների:
Օգտագործվել են հրթիռներ և անօդաչու թռչող սարքեր:
ՊՆ-ից նշել են, որ նախանշված բոլոր օբյեկտները խոցվել են։
Վերջին 24 ժամվա ընթացքում Ռուսաստանի զինված ուժերը ՌԴ մարզերի տարածքում ոչնչացրել են նաև ուկրաինական 158 անօդաչու թռչող սարք և երկու «Նեպտուն» թևավոր հրթիռ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
Sputnik Արմենիա
