Իսպանիայի հարավ-արևելքում մերձքաղաքային գնացքը բախվել է շինարարական կռունկի, ինչի հետևանքով մի քանի մարդ թեթև վնասվածքներ է ստացել, հաղորդում է Reuters-ը։
«Գնացքը չի շրջվել և չի դուրս եկել գծերից», – գործակալությանը հայտնել է Մուրսիայի հարավ-արևելյան շրջանի արտակարգ ծառայությունների խոսնակը։
Վթարը տեղի է ունեցել Մուրսիայի Կարտախենայի մոտակայքում։
Այս միջադեպը տեղի է ունեցել կիրակի օրը հարավային Անդալուսիայում տեղի ունեցած արագընթաց գնացքների մահացու բախումից հետո, որն առնվազն 43 մարդու կյանք է խլել և երեքշաբթի օրը Կատալոնիայում տեղի ունեցած երկու այլ վթարներից հետո։
Իսպանական Adif երկաթուղային օպերատորը երկուշաբթի հայտնել է, որ տվյալ գծի վրա երթևեկությունը դադարեցվել է «երկաթուղային ընկերությանը չպատկանող կռունկի՝ ենթակառուցվածքի ուղիների մեջ ներխուժման պատճառով» և չի տվել հավելյալ մանրամասներ։
News.am
