Միացյալ Նահանգները Մերձավոր Արևելքի իր հիմնական բազաներից դուրս է բերում անձնակազմը որպես նախազգուշական միջոց՝ տարածաշրջանում լարվածության աճի ֆոնին, չորեքշաբթի Reuters-ին հայտնել է անանուն մնալու պայմանով ամերիկացի պաշտոնյան։
Երեք դիվանագետներ Reuters-ին հայտնել են, որ անձնակազմի մի մասին խորհուրդ է տրվել ավիաբազան մինչև չորեքշաբթի երեկո լքել Կատարում տեղակայված ԱՄՆ Ալ Ուդեյդ ռազմական բազան՝ «Իրանում ցուցարարներին պաշտպանելու համար միջամտելու մասին Վաշինգտոնի նախազգուշացումների ֆոնին»։
Ալ Ուդեյդը Մերձավոր Արևելքում ամենախոշոր ամերիկյան ռազմաբազան է, որտեղ տեղակայված է մոտ 10 հազար զինծառայող։
«Դա դիրքերի փոփոխություն է, այլ ոչ թե տարհանման հրաման»,- Reuters-ին հայտնել է դիվանագետներից մեկը։ Աղբյուրը նշել է, որ տեղյակ չէ դիրքի փոփոխության որևէ կոնկրետ պատճառի մասին։
Անցյալ տարի Իրանի վրա ԱՄՆ ավիահարվածներ հասցնելուց մեկ շաբաթ առաջ, անձնակազմի մի մասը և նրանց ընտանիքներ տարհանվել են Մերձավոր Արևելքում տեղակայված ամերիկյան բազաներից։ Հունիսին ԱՄՆ հարձակումներից հետո Իրանը հրթիռային հարված հասցրեց Կատարում տեղակայված բազային։
News.am
