ՔՊ-ն Վաղարշապատ խոշորացված համայնքում փորձում է իր ճանապարհից հեռացնել բոլոր նրանց, ովքեր պոտենցիալ վտանգ են ներկայացնում սպասվող ընտրություններին, գրել է «Հրապարակ» օրաթերթը՝ հղում անելով իր աղբյուրներին։
Վաղարշապատի համայնքապետի պաշտոնակատար Արգիշտի Մեխակյանն աշխատանքից ազատել է Էջմիածնի 13-րդ մանկապարտեզի տնօրենը, որն «Էջմիածին դաշինք» խմբակցության ղեկավար Սևակ Խաչատրյանի քեռու կինն է։ Ըստ թերթի՝ պաշտոնանկ է արվել Խաչատրյանի քեռին․ Մաշտոցի ոստիկանապետը գնդապետից պահանջել են համոզել զարմիկին, որ ընտրություններում չառաջադրվի։
Լարվածություն է ստեղծվել նաև բոլոր այն հաստատություններում, որտեղ հնարավոր այլ թեկնածուների բարեկամներ են աշխատում։ Նրանք ապրում են գործը կորցնելու վախով, նշել է լրատվականը։
Ավելի վաղ մամուլը գրել էր, որ Մեխակյանը չի արդարացրել վարչապետ Նիկոլ Փաշինյանի հույսերն Ամենայն Հայոց կաթողիկոսի դեմ «մարդ հավաքելու» գործում։ Ըստ մամուլի՝ մարզի ընդդիմադիր շրջանակները կարծում են, որ մեծ շանսեր ունեն հաղթելու նոյեմբերի 16-ին նշանակված ՏԻՄ ընտրություններում, եթե լավ պատրաստվեն:
Armenia Today
