Ամերիկացիների ավելի քան կեսը չի սատարում Դոնալդ Թրամփին։ Այս մասին հայտնում է USA Today-ը՝ հղում անելով մի շարք աղբյուրների։
New York Times-ի վերջին տվյալների համաձայն՝ նախագահի քաղաքականությանը հավանություն է տալիս երկրի բնակիչների 40%-ը, հավանություն չի տալիս 56%-ը (ևս 4%-ը դժվարացել են կամ հրաժարվել են պատասխանել)։ Silver Bulletin վերլուծական կենտրոնը նմանատիպ հարաբերակցություն է արձանագրում՝ 39,7%՝ ընդդեմ 56,4%-ի, իսկ RealClearPolitics հարցումների ագրեգատորը՝ 41,2%՝ ընդդեմ 56,6%-ի։
Պարբերականը նշում է, որ Թրամփի բացասական վարկանիշը պահպանվում է արդեն մեկ տարի, իսկ վերջին ամիսներին այս միտումն ավելի է ուժեղացել։
Դժգոհության նոր գործոններից մեկը բենզինի գների կտրուկ աճն է, որի պատճառն Իրանի դեմ պատերազմն է։ Եթե մինչև ռազմական գործողությունների սկիզբը երկրում մեկ գալոն (3,785 լ) բենզինի միջին արժեքը կազմում էր 2,98 դոլար, ապա հիմա այն գերազանցել է 4 դոլարի սահմանագիծը։
Sputnik Արմենիա
