Դատարանը մերժել է Գյումրու քաղաքապետ Վարդան Ղուկասյանի խափանման միջոցը վերացնելու միջնորդությունը։ Sputnik Արմենիային այս մասին հայտնեց Ղուկասյանի փաստաբան Արամայիս Հայրապետյանը։
«Դատարանը միջնորդությունը մերժեց։ Մայիսին խափանման միջոցի հարցը կրկին քննարկվելու է։ Այս միջնորդությունը միջանկյալ ենք ներկայացրել, դատարանն էլ համարեց, որ ենթակա է մերժման։ Այս պահին ավելին չենք կարող ասել, որովհետև որոշումը դեռ չունենք»,- ասաց Հայրապետյանը։
Փաստաբանական թիմը դատարանի հիմնավորումներին ծանոթանալուն պես կներկայացնի իր դիրքորոշումը։
Հաջորդ դատական նիստերը կկայանան մայիսի 6-ին և 14-ին։
Հիշեցնենք` Գյումրու համայնքապետ Վարդան Ղուկասյանը կալանավորվեց 2025 թվականի հոկտեմբերին։ Նրան մեղադրանք է առաջադրվել կաշառքի վերաբերյալ հոդվածով։ Ըստ պաշտպանական կողմի` մեղադրանքում առկա գրեթե բոլոր դրվագները վերաբերում են 2024 թվականի դեկտեմբերից մինչև 2025 թվականի փետրվար ընկած ժամանակահատվածին, երբ Ղուկասյանը քաղաքապետ չի եղել։ Դեկտեմբերի 17-ին դատարանը Ղուկասյանի կալանքը երկարաձգեց ևս 3 ամսով։
