Ռուսաստանի բարոյական առաջնորդությունը ներկայիս ճգնաժամի ավարտից հետո միջազգային ասպարեզում ավելի պահանջված կլինի, քան երբևէ։ Այս մասին Հավաքական անվտանգության պայմանագրի կազմակերպության խորհրդարանական վեհաժողովի խորհրդի նիստում հայտարարել է Ռուսաստանի արտգործնախարար Սերգեյ Լավրովը, հաղորդում է ռուական ТАСС գործակալությունը։
«Ես համոզված եմ, որ մենք պահպանում ենք բարոյական առաջնորդությունը միջազգային ասպարեզում, որը միշտ պահանջված է եղել։ Ներկա ճգնաժամի ավարտից հետո, հուսանք՝ համեմատաբար շուտով, բարոյական առաջնորդությունն ավելի պահանջված կլինի, քան երբևէ։ Այդ հիմքի վրա մենք համատեղ և ակտիվորեն կմասնակցենք Եվրասիայում հավասար և անբաժանելի անվտանգության ապագա ճարտարապետության ուրվագծերի մշակման գործընթացին։ Մենք ՀԱՊԿ-ը դիտարկում ենք որպես մի կառույց, որը կարող է նման անվտանգության ճարտարապետության հենասյուներից մեկը դառնալ»,-նշել է Լավրովը:
Ըստ Ռուսաստանի արտգործնախարարի՝ այն ժամանակ, երբ «Արևմուտքն ավելի ու ավելի է դիմում ուժի անօրինական կիրառմանը, բռնապետության նեոգաղութատիրական մեթոդներին և բացահայտ կողոպուտին», ՀԱՊԿ երկրները միջազգային իրավունքից չեն շեղվի։
Լավրովը վստահեցրել է, որ ՀԱՊԿ-ում գավազանի կարգապահություն գոյություն չունի, «ինչպես մենք տեսնում ենք ՆԱՏՕ-ում»։
News.am
